بھارت پاکستانیوں کی ان کے موبائل کے ذریعے جاسوسی میں ملوث ہے ، بڑا پول کھل گیا؟؟

واشنگٹن ، انٹرنیشنل نیوز

بھارت پاکستان سے دشمنی کرنے کا کوئی موقع بھی جانے نہیں دیتا لیکن گزشتہ کچھ عرصہ سے پاکستان کے خلاف سازشیں کرتے ہوئے بھارت بری طرح بے نقاب ہو رہا ہے – اور اب بھارت کے غیر ذمہ دار اور دہشت گرد ملک ہونے کا ایک اور ثبوت سامنے آگیا ہے جبکہ امریکی سیکیورٹی کمپنی نے بھارت کے ریاستی ہیکرز کا کچا چٹھا کھول دیا ہے۔ میڈیا رپورٹس کے مطابق ایک امریکی سیکیورٹی کمپنی نے انکشاف کیا کہ بھارتی ہیکرز پاکستانی شہریوں اور اسلامی اپیس کی جاسوسی کرتے ہیں اور ان ہیکرز کو مودی سرکار کی ریاستی حاصل ہے۔

میڈیا رپورٹس کے مطابق سیکیورٹی کمپنی “لک آؤٹ” نے اپنی رپورٹ میں کہا سن برڈ اور ہورن بِل نامی دو مال ویئر پاکستانی شہریوں اور بھارتی مسلمانوں کی جاسوسی میں ملوث ہیں۔ سن برڈ اور ہورن بِل کو Confucius APT نامی گروپ کنٹرول کرتا ہے جس کو بھارت کی ریاستی سرپرستی حاصل ہے اور یہ گروپ 2013ء سے جاسوسی سے متعلق سافٹ ویئر بناتا ہے۔ ہورن بِل کے ذریعے موبائل میسجز، لوکیشنز اور دستاویزات کی معلومات چوری کی جاتی ہیں جبکہ سن برڈ کے ذریعے صارف کے موبائل کا پورا کنٹرول حاصل کیا جاتا ہے۔

میڈیا رپورٹس کے مطابق بھارتی ہیکرز نہ صرف پاکستان کے اندر بلکہ بیرون ملک مقیم پاکستانیوں کا بھی ڈیٹا چوری کرتے ہیں اور اس کے علاوہ مال ویئر کے ذریعے مسلمانوں سے منسلک موبائل ایپس کی بھی نگرانی کی جاتی ہے۔ واضح رہے کہ گزشتہ سال برطانوی خبر رساں ادارے نے انکشاف کیا تھا کہ یورپی یونین کے تحقیقاتی ادارے ڈس انفولیب نے اپنی رپورٹ میں جھوٹے پروپیگنڈے اور گمراہ کن خبروں کے لیے بنائے جانے والے بھارتی نیٹ ورک سے متعلق تہلکہ خیز انکشافات کیے تھے۔ بھارتی نیٹ ورک گزشتہ پندرہ سالوں سے اقوامِ متحدہ اور یورپی یونین کو جھانسہ دے رہا ہے جبکہ پاکستان کے خلاف ہرزہ سرائی میں بھی مصروف تھا۔ڈس انفولیب کی رپورٹ کے مطابق بھارتی نیٹ ورک نے جعلی فلاحی تنظیمیں اور میڈیا آرگنائزیشن وسیع پیمانے پر تشکیل دیں، یہ تمام تنظیمیں اور صحافتی ادارے نیٹ ورک کے لیے کام کر رہی تھیں۔

واضح رہے کہ پاکستان کے سکیورٹی اداروں کی جانب سے اس سازش کا توڑ کر کے بھارتی سازش کو مزید بے نقاب کیا جارہا ہے –

اس خبر پر اپنی رائے کا اظہار کریں

اپنا تبصرہ بھیجیں