وزیراعظم عمران خان نے کتنی سرکاری مراعات حاصل کیں ، سندھ ہائی کورٹ سے رجوع؟

کراچی ، نیوز ڈیسک

وزیراعظم عمران خان نے 2013 تا 2018 کتنی سرکاری مراعات حاصل کیں؟ بزرگ شہری سندھ ہائی کورٹ پہنچ گیا۔ میڈیا رپورٹس کے مطابق کراچی کے 79 سالہ بزرگ شہری شیر محمد چشتی نے معلومات فراہم نہ کرنے پر رائٹ آف ایکسس ٹو انفارمیشن کے تحت آئینی درخواست دائر کر دی اور موقف اختیار کیا کہ بطور شہری عمران خان سے متعلق معلومات حاصل کرنا میرا حق ہے۔درخواست میں مزید کہا گیا ہے کہ اسپیکر قومی اسمبلی سمیت کوئی معلومات نہیں دے رہا، عمران خان کی 2013 تا 2018 کی سرکاری مراعات کی تفصیلات چاہتا ہوں، بتایا جائے، عمران خان نے 2013 تا 18 قومی اسمبلی کے کتنے سیشن ہوئے؟ بتایا جائے، عمران خان نے کتنے سیشن میں شرکت کی ؟ بتایا جائے۔

میڈیا رپورٹس کے مطابق شہری نے درخواست میں مزید استدعا کی کہ عمران خان نے کتنی تنخواہ، مراعات حاصل کیں؟ بتایا جائے اس دوران عمران خان کو کتنے الاونس دیے گئے اورسیشن اور ماہانہ بنیادوں پر معلومات فراہم کی جائیں، دو ہزار آٹھ سے 2018 سے اسپیکر قومی اسمبلی اور چیف انفارمیشن کمشنر کو خطوط لکھ رہا ہوں مگر کوئی جواب نہیں دے رہا، بزرگ شہری نے ذہنی اذیت پہنچانے پر 5 لاکھ روپے معاوضے کا بھی مطالبہ کردیا ہے، درخواست میں صدر پاکستان، چیئرمین سینیٹ، اسپیکر قومی اسمبلی، چیف انفارمیشن کمشنر و دیگر بھی درخواست میں فریق بنایا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں