چینی کے ایک اور بڑے سکینڈل کا انکشاف ، مافیا نے عوام سے کتنے ارب روپے بٹورے؟؟؟

اسلام آباد ، نیوز ڈیسک

پاکستان تحریک انصاف کی حکومت میں چینی کے بڑے سکینڈل کے بعد چینی کے ہی حوالے سے ایک اور بڑا اسکینڈل سامنے آیا ہے اور چینی مافیا کی جانب سے چند ماہ کے دوران عوام سے اربوں روپے بٹورنے کا انکشاف ہوا ہے۔

میڈیا رپورٹس کے مطابق حکومت کے اپنے اعداد و شمار سے چونکا دینے والے حقائق سامنے لائے گئے ہیں اور ان حکومتی اعداد و شمار میں انکشاف ہوا کہ ملک میں چینی کی قیمت 110 روپے تک پہنچ گئی ہے اور رواں برس جنوری سے جولائی تک مہنگی چینی کی فروخت سے شوگر ملز مالکان کو 32 ارب روپے کا فائدہ پہنچایا گیا جبکہ 198 ارب روپے پہلے ہی عوام کی جیب سے نکالے جا چکے ہیں۔

میڈیا رپورٹس کے مطابق نجی ٹی وی کے پروگرام کے دوران یہ انکشاف بھی ہوا کہ یوٹیلٹی اسٹورز نے بھی مہنگی چینی خرید کر سبسڈی کے ساڑھے 3 ارب روپے شوگر مل مالکان کی جیب میں ڈال دیئے۔

اس خبر پر اپنی رائے کا اظہار کریں

اپنا تبصرہ بھیجیں