قلندرز کے لئے بڑی خوشخبری ، سلطانز کے ساتھ فائنل کیلئے کونسے کھلاڑی دستیاب ہونگے؟

لاہور ، سپورٹس ڈیسک

پی ایس ایل 7 کا فائنل معرکہ کل قذافی اسٹیڈیم میں کھیلا جائے گا جس میں لاہور قلندر اور ملتان سکندر مدمقابل ہونگے . لیکن فائنل سے قبل لاہور قلندرز کے لیے اچھی خبر ہے کہ ان کی ٹیم میں شامل افغان اسپنر راشد خان ایچ بی ایل پی ایس ایل فائنل کے لیے ٹیم کو دستیاب ہوں گے۔

میڈیا رپورٹس کے مطابق راشد خان قومی ڈیوٹی کے باعث پی ایس ایل چھوڑ کر بنگلادیش چلے گئے تھے جہاں افغانستان کی ٹیم ون ڈے سیریز کھیلنے میں مصروف ہے۔ ایچ بی ایل پی ایس ایل کا فائنل اتوار کے روز ملتان سلطانز اور لاہور قلندرز کے درمیان کھیلا جائے گا جبکہ افغانستان اور بنگلا دیش کے درمیان تیسرا ون ڈے پیر کے روز کھیلا جائے گا تاہم ذرائع کا کہنا ہے کہ راشد خان اتوار کے روز ہونے والے پی ایس ایل فائنل کے لیے اپنی ٹیم لاہور قلندرز کو دستیاب ہوں گے۔

اس خبر پر اپنی رائے کا اظہار کریں

اپنا تبصرہ بھیجیں